Rituvík

Rituvík liggur syðst á eystursíðuni á Eysturoynni í víkini av sama navni.

Sereyðkenni:
Smáu húsini í bjørtum litum standa spjødd í grøna bønum kring víkina. Opið er út á hav og brimpláss er, so støð við neystum er báðumegin víkina. Djúpt er niðurfyri og tá kyrrindi eru, er serstakliga vakurt at kava útfyri bygdina, har taraskógur er við sandeygum og undirsjóvar holum. Í bygdini eru fleiri minnisvarðar, sum hvør á sín hátt vísa á og virða tøk og avrik teirra, sum undan gingu..

Rituvíkar kirkja er trækirkja, sum stendur í slætta bønum miðskeiðis í bygdini nakað omanfyri støðna. Hon er seinasta av átta føroyskum kirkjum, sum H.C.W. Tórgarð, arkitektur, teknaði og er vígd í 1955. Gamla kirkjuklokkan er skipsklokka av portugisiskari skonnart, sum sakk við Grønland.

Lætt er at ferðast runt í náttúruvakra láglendinum og gingu rituvíkingar í gomlum døgum til Heiðarnar at handla, til Nes í kirkju eins og teir dúgliga brúktu varðagøtuna gjøgnum lynghagan til Lambar. Ávegis til Lamba verður gingið framvið havið hjá Óla Sterka, sum vág 440 pund. Fleiri vegateinar í økinum eru eyðmerktir sum Sóljuleiðir, ið eru serliga náttúruvakrir vegateinar.


Friðsæla og ró

  • Í dimmalættingini ganga úr bygdini eysturum at síggja sólina rísa í havsbrúnni.
  • Njóta kvirruna og søguna millum gomlu neystini á støðni.
  • Sita undan ættini og eygleiða brimið bróta móti klettunum.


Upplivilsi:
Gongutúrur úr Rituvík til Lamba, sí HER
Kava á víkini við kavingarleiðara, sí HER
Gongutúrur til Heiðarnar, sum Saltangará áður var kallað.

Sagnir:
Sápulin 

 

Rituvík

Líknandi