Laksatorgið verður aftur í 2025

Stóra familjutiltakið Laksatorgið var fyrstu ferð í 2001, og síðani hevur tiltakið ment seg til at vera eitt sera vælumtókt fólksligt tiltak. Undirtøkan er vaksin á hvørjum ári og fleiri tiltøk eru afturvendandi, so sum smakkiroyndir av rávøru frá Bakkafrost og sølutorg við alskyns lutum.

Laksatorgið var 13. juli í ár og verður aftur í 2025 í hugnaliga umhvørvinum niðri á støð á Glyvrum. Økið er væl skipað, strondin er skamt harfrá, neyst liggja framvið umframt snotuligu húsini hjá bátafelagnum.

Umbønir at bíleggja ókeypis borð til Sølutorgið 2025, verður kunngjørt seinni í ár. Umbønir verða gjørdar umvegis eina sjálvavgreiðslu.

Hevur tú hug at selja klæðir, smálutir, eitthvørt heimagjørt hondarbeiði, leikur ella okkurt heilt annað við góðum tónleiki í bakgrundini? So kanst tú bíleggja ókeypis borð her:

Sjálvavgreiðslan er stongd, men letur upp seinni í ár.

Les meira á facebook síðuni hjá Laksatorginum: https://www.facebook.com/laskatorgid/