Æðuvík liggur syðst á eystursíðuni á Eysturoynni.

Sereyðkenni:
Bygdin liggur á grønari fløtu undir lágari høvd í náttúruvøkrum heiðalendi. Við sjóvarmálan er lítil støð, har møguleiki er fyri kamping og tjalding. Norðanvert bygdina er gamla Tinghellan, har várting varð hildið. Her er høgligt at ferðast runt í haganum, har frítt útsýni er til allar síðir. Vegirnir í lyngklædda láglendinum kring bygdina eru eyðmerktir sum Sóljuleiðir, ið eru serliga náttúruvakrir vegateinar.

Opið er út á hav og fría útsýnið verður bert einstaka ferðir brotið av skipum, sum hómast í havsbrúnni. Æðuvík er brimpláss, serliga á lágætt, so ansast skal eftir havalduni, tá hon stórsligin brestur móti landið. Djúpt er niðurfyri og tá kyrrindi eru, er serstakliga vakurt at kava útfyri bygdina, har stórir klettar standa í sjónum nakað frá landi.

Í Æðuvík sæst ein vakur minnisvarði, sum varð avdúkaður í oktober 1997, til 100 ára minningarhaldið fyri bygdina. Minnisvarðin sýnir myndir av fýra teim fyrstu hjúnunum, ið bygdu Æðuvík.

Friðsæla & Mindfulness

• Liggja í bønum og síggja sólina rísa í eystri.
• Sita á støðni og skoða sjófuglin, sum borin av loftstreymum sveimar yvir hav.
• Á vetrardegi sita undan ættini og síggja stórslignu havalduna bresta móti landi.

Upplivilsi:

Gongutúrur úr Æðuvík til Nes, sí HER
Kava við kavingarleiðara, sí HER