Leirvíks kirkja varð vígd 1. sunnudag í advent, 1. desember 1906. Fríðrikur Petersen próstur vígdi kirkjuna,

Í 1901 sendu leirvíkingar tinginum og kirkjuinspektiónini umsókn um stuðul til at byggja kirkju. Bygdin var í støðugum vøkstri, og um hetta mundið búðu 308 fólk í bygdini.

Í 1903 játtar tingið pening til spreinging og flutning av gróti. Við upphæddini, fyrst 500kr og síðan 1000 kr afturat árið eftir, fekst alt grótið til kirkjuna til vega.

Magnus Jacobsen í Havn, eisini nevndur Magnus av Kamarinum, teknaði kirkjuna.

Kirkjan er 27 alin 10 tummar long og 14 alin 3 tummar breið.

Seinast í sjeyti árunum var farið undir at útbyggja kirkjuna. Palli Gregoriussen, arkitektur, teknaði og Jákup Oluf Jacobsen í Fuglafirði var byggimeistari.

Kelda: folkakirkjan.fo

Samband: +298 44 33 69 & 74 33 69 ella leirvikar(at)kirkja.fo

Upplatingartíðir: Skrivstovan og telefontíð er opin frá 9.00 – 15.00 frá mánadegi til hósdag, og frá 9.00 – 14.00 fríggjadag. Kirkjugongd er sunnudag kl. 11.