Vitja gomlu doktarahúsini frá 1853 og fá innlit í søguna hjá Tvøroyri

Tvøroyrar bygda- og sjóvinnusavn heldur til í gomlu doktarahúsunum frá 1853, sum vórðu bygd til fyrsta læknan í Suðuroy.

Fram til 1927 høvdu skiftandi læknar bústað og viðtalu í húsunum, og eitt tíðarskeið var eisini apotek her. Seinni hava húsini verið nýtt til ymisk endamál, millum annað sum politistøð.

Í dag kanst tú stíga aftur í tíðina og síggja, hvussu eini doktarahús kundu verið innrættað fyrst í 1900-talinum. Savnið gevur eitt áhugavert innlit í gerandislívið og søguna hjá Tvøroyri.